A ASCM colabora coa EUDI no diseño de catamaráns accesibles

Dende a ASCM apostamos por un diseño para tod@s, por eso consideramos fundamental fortalecer os vínculos de colaboración co Campus Industrial Ferrol de onde saen futuros profesionais.

É todo un pracer poder aportar a nosa experiencia no eido da discapacidade, xunto con outras entidades, para que os estudantes do Grao en Inxeñeria en Diseño Industrial e desenrrolo de productos do curso 2019/2020 poideran diseñar diferentes opcións de catamarán accesible tendo como referente o modelo "Xouva 4.90".

O pasado martes acudiamos a presentación realizada pola UDC onde profesores e alumnos presentaban o seu traballo arropados pola Vicerrectora do Campus de Ferrol e Responsabilidade Social- María Jesús Movilla Fernández , e o director da EUDI José Ramón Méndez Salgueiro, xunto coas persoas representantes das entidades que colaboraron no proxecto: 

PRAXXIS

Gemma de la Montaña Garrido, presidenta da Asociación Náutica, Social e Ecolóxica A-O2 Velas.

Laurent Ogel, Presidente de Praxxis Inclusion cooperativa galega sen ánimo de lucro.

José Ballester, Director de XoubaBoats.

ASCM

Paula Gárate, Presidenta.

Toñita Espiñeira Freire, Tesorera.

Eva Losada Fonticoba, Vocal.

ASOCIACIÓN PERSOAS XORDAS FERROLTERRA

Teresa Gallo Lastra, Presidenta.

Rubén Giz Martínez, Vicepresidente.

Susana Carregado Silva, Vocal.

O Universo Friki chega o sábado a Xuvia da man da ASCM

A "Xornada Geek" achegará o universo do videoxogo e a muller con discapacidade ás persoas participantes. 

A Asociación Sociocultural ASCM, dentro do programa "Iniciativa Xove" financiado pola Consellería de Política Social e Benestar da Xunta de Galicia, celebrará o sábado 28 ás 16.30 h., na Asociación Veciñal Altea de Xuvia, a "Xornada Geek". Esta iniciativa, que pretende achegar, á sociedade, o universo das novas tecnoloxías e o videoxogos accesibles, contará con diversas actividades; convidando á participación e implicación das persoas asistentes. 

A xornada comezará, ás 16.30 h. no local da Asociación Veciñal Altea, cunha charla sobre a historia do videoxogo e a perspectiva de xénero na industria; a cargo do coordinador do máster de Programación e Videoxogos da UDC, Antonio Seoane, e a alumna e colaboradora do xornal “El Ideal Gallego”, Victoria Díaz. A continuación terá lugar a andaina temática, “The Walking Freak”, polo Paseo de Xuvia onde a temática friki e as diversas capacidades compartirán espazo; fomentando a participación dos máis novos. O roteiro é de participación libre e de balde. As persoas interesadas poderá traer a súa “indumentaria máis friki” e sumarse ao percorrido. O acto rematará, no local da Asociación de Veciños, cun pequeño ágape, “food freak”, para recargar pilas despois da caminata. 

Con esta xornada, a ASCM, pon punto e final ás actividades temáticas “XMULLER=. Súmate e completa e a ecuación”, financiadas pola Xunta de Galicia no marco do Programa Iniciativa Xove. O obxectivo destas xornadas é o de achegar a realidade da muller con discapacidade ás persoas máis novas; trasladando a importancia de construír unha sociedade máis inclusiva. 

Para máis información sobre estas actividades, as persoas interesadas, poderán resolver as súas dúbidas no teléfono 981 35 14 30 ou no correo electrónico comunicacionascm@gmail.com. Se prefieren solicitar información de xeito presencial, poderán facelo nas oficinas de San Roque e Ánimas Bajos 18-19, Bloque 2, en horario de 9.30 a 13.30 e de 16.00 a 20.00 h.

INSCRÍBETE

O universo friki chega o sábado, 28 de setembro, a Xubia da man da ASCM

• A "Xornada Geek" achegará o universo do videoxogo e a muller con discapacidade ás persoas participantes.

                                Cartaz oficial da "Xornada Geek".

A Asociación Sociocultural ASCM, dentro do programa "Iniciativa Xove" financiado pola Consellería de Política Social e Benestar da Xunta de Galicia, celebrará o sábado 28 ás 16.30 h., na A.A.V.V Altea de Xubia, a "Xornada Geek". Esta iniciativa, que pretende achegar, á sociedade, o universo das novas tecnoloxías e o videoxogos accesibles, contará con diversas actividades; convidando á participación e implicación das persoas asistentes.

 A xornada comezará, ás 16.30 h. no local da Asociación de Veciños Altea, cunha charla sobre a historia do videoxogo e a perspectiva de xénero na industria; a cargo do coordinador do máster de Programación e Videoxogos da UDC, Antonio Seoane, e a alumna e colaboradora do xornal “El Ideal Gallego”, Victoria Díaz. A continuación terá lugar a andaina temática, “The Walking Freak”, polo Paseo de Xubia onde a temática friki e as diversas capacidades compartirán espazo; fomentando a participación dos máis novos. O roteiro é de participación libre e de balde. As persoas interesadas poderá traer a súa “indumentaria máis friki” e sumarse ao percorrido. O acto rematará, no local da Asociación de Veciños, cun pequeño ágape, “food freak”, para recargar pilas despois da caminata. 

Con esta xornada, a ASCM, pon punto e final ás actividades temáticas “XMULLER=. Súmate e completa e a ecuación”, financiadas pola Xunta de Galicia no marco do Programa Iniciativa Xove. O obxectivo destas xornadas é o de achegar a realidade da muller con discapacidade ás persoas máis novas; trasladando a importancia de construír unha sociedade máis inclusiva.

Para máis información sobre estas actividades, as persoas interesadas, poderán resolver as súas dúbidas no teléfono 981 35 14 30 ou no correo electrónico comunicacionascm@gmail.com. Se prefieren solicitar información de xeito presencial, poderán facelo nas oficinas de San Roque e Ánimas Bajos 18-19, Bloque 2, en horario de 9.30 a 13.30 e de 16.00 a 20.00 h.

A ASCM pechou, esta mañá, o seu roteiro pola mobilidade en Fene

•  A ASCM pechou, hoxe en Fene, a súa celebración da Semana da Mobilidade Europea, coa iniciativa "Xente!! Senta e Sente".

                        Alcalde de Fene, abrindo a comitiva do roteiro.

A ASCM rematou hoxe, en Fene ás 11.00 h., o seu roteiro pola Semana da Mobilidade Europea coa súa iniciativa reivindicativa "Xente!!Senta e Sente". O obxectivo é o de concienciar aos nosos representantes políticos sobre a necesidade de pensar en clave de accesibilidade universal. Esta parada completa o ciclo que a ASCM comezaba o pasado luns en Neda e que continuaba o martes, neste caso, no concello de Narón.

                                              Senta e Sente no concello de Fene.

O alcalde de Fene, Gumersindo Galego, acompañado por Juventino Trigo, Tamara Miragaya, Sandra Permuy, Mari Carmen Martínez, Ángeles Coira e  Juana Barro e asesorados, todos eles, pola equipa de Voluntariado Inclusivo da ASCM, realizaron un percorrido polos aledaños da casa consitorial; experimentando en primeira persoa o que supón desprazarse en cadeira de rodas. A finalidade é concienciar e sensibilizar sobre os puntos negros da accesibilidade existentes na comarca de Ferrolterra e facer visibles os pequenos obstáculos e barreiras aos que se ten que enfrontar o colectivo nas actividades máis cotiás: sacar cartos do caixeiro, facer a compra, facer uso dos aseos públicos, etc.

                       Corporación municipal de Fene e ASCM.

Tanto a administración fenesa como a entidade valoraron a experiencia como moi positiva e operativa, dada a importancia de xerar sinerxias entre a Administración e os organismos do Terceiro Sector de cara a dar cobertura ás necesidades e demandas da sociedade.

O carácter desta iniciativa está aberto á participación de toda a cidadanía. Se hai algún concello  ou organismo interesado en desenvolver a proposta, estaremos encantados de atender as súas consultas no 981 35 14 30 ou no mail comunicacionascm@gmail.com. Para atención presencial, estamos en San Roque e Ánimas, Bloque 2, Baixos 18-19 en horario de luns a venres: 9.30 h. a 13.30 h. e de 16.00 h. a 20.00 h.

Repercusión en medios:

• Radio Fene, 2019-09-19 "É moi complicado. A ASCM fixo baixar aos políticos locais á crúa realidade".
• CRTVG, Telexornal Mediodía, 2019-09-19 "Sentan en cadeira de rodas políticos de Fene para que saiban das dificultades das barreiras arquitectónicas".
• La Voz de Galicia, El Rincón de Isidoro Valerio, 2019-09-20 "Una apuesta por la concienciación".

• Novas Concello de Fene, 2019-09-20, "A ASCM pechou en Fene o seu roteiro pola mobilidade".

Narón súbese á cadeira de rodas para reivindicar a accesibilidade

• A ASCM congregou a representantes políticos de Narón para experimentar o que é subirse a unha cadeira de rodas.

          Encontro da ASCM coa corporación municipal de Narón.

A ASCM fixo, hoxe, a súa segunda parada, dentro do roteiro reivindicativo, "Xente!! Senta e Sente", no Concello de Narón. Dentro do marco da Semana da Mobilidade Europea, a ASCM, está a desenvolver esta iniciativa que ten por obxecto concienciar aos nosos representantes políticos da importancia de planificar e actuar en clave de accesibilidade.

           Itinerario "Xente!! Senta e Sente" no concello de Narón.

Desde as 11.00 h. a equipa de voluntariado inclusivo auxiliou aos políticos participantes no seu percorrido, en cadeira de rodas, polas inmediacións da casa consistorial. Participaron da iniciativa, entre outros, a alcadesa, Marián Ferreiro; a concelleira de Ensino, Mercedes Taibo; a de estatística,igualdade e transporte público, María del Mar Gómez; o de servizos, Ibán Santalla; o deportes, José Oreona; o de facenda e seguridade cidadá, Román Romero; a de participación cidadá e benestar social, Catalina García e German Costoya, edil do Partido Popular de Narón.

A Alcaldesa abrindo a comitiva do roteiro.

Tal e como aconteceu onte en Neda, a iniciativa foi valorada de xeito moi positivo, tanto por parte da administración como da entidade; servindo para concienciar sobre a importancia da eliminación das barreiras arquitectónicas que pasan desapercibidas no día a día.  A ASCM pechará o seu percorrido o xoves, ás 11.00 h., fronte ao Concello de Fene.

Roteiro pola accesibilidade. Concello de Narón.

A intención da entidade é a de manter unha relación fluída e con obxectivos, a longo prazo, coas distintas administracións locais da comarca coa intención de poder avanzar, entre todas e todos, en materia de accesibilidade universal.

Repercusión en medios:

• Cadena SER 2019-09-17 "Raúl Salgado fala con Paula Gárate da Semana da Mobilidade".
• Cadena COPE 2019-09-17 ( a partir do min 24.) "Ada Romero fala con Paula Gárate da Semana da Mobilidade".
• Radio Voz Ferrol 2019-09-17 "Isidoro Valerio sobre la iniciativa de ASCM "Xente!! Senta e Sente"
• Radio Fene 2019-09-17 "Unha iniciativa da ASCM para reclamar a accesibilidade universal".

A ASCM comeza o seu roteiro pola Semana da Mobilidade no Concello de Neda

• A ASCM achegou a Neda a súa iniciativa "Xente!! Senta e Sente" para concienciar sobre a necesidade da accesibilidade universal.

         Imaxes da iniciativa Xente!! Senta e Sente en Neda.

Neda, foi hoxe, a primeira das paradas do roteiro, que organiza a Asociación Sociocultural ASCM, para conmemorar a Semana da Mobilidade Europea que se celebra entre o 16 e o 22 de setembro. A ASCM levará, tamén, o seu proxecto "Xente!! Senta e Sente" aos concellos de Narón (17 de setembro ás 11.30 h.) e de Fene (19 de setembro ás 11.00 h.). O obxectivo é concienciar e sensibilizar aos representantes políticos da necesidade de apostar pola accesibilidade universal.

Esta mañá foi a quenda dos políticos de Neda, que experimentaron en primeira persoa o que é desprazarse polos arredores do concello en cadeira de rodas. O alcade, Ángel Alvariño, acompañado das/os concelleiras/os Soraya María Fernández Leal, Eduardo Rodríguez Rey, Ángeles Puentes Maceiras y Ana Rosa Pena Barcia,participou da iniciativa desprazándose polas inmediacións da casa consistorial e accedendo a espazos de uso diario como os servizos públicos do concello.

O alcalde facendo emprego dos servizos públicos en cadeira de rodas.

Tanto o concello como a entidade valoraron como moi positiva esta experiencia, que permitiu sensibilizar e concienciar aos nosos políticos da necesidade de pensar e actuar en clave de accesibilidade para todas e todos.

Foto de grupo da Iniciativa Xente!! Senta e Sente.

• Repercusión en medios:

• Diario de Ferrol 2019/09/17 "Neda pone a prueba su planificación urbanística sobre una silla de ruedas".
• Cadena SER 2019-09-17 "Raúl Salgado fala con Paula Gárate da Semana da Mobilidade".
• Cadena COPE 2019-09-17 ( a partir do min 24.) "Ada Romero fala con Paula Gárate da Semana da Mobilidade".
• Radio Voz Ferrol 2019-09-17 "Isidoro Valerio sobre la iniciativa de ASCM "Xente!! Senta e Sente"
• Radio Fene 2019-09-17 "Unha iniciativa da ASCM para reclamar a accesibilidade universal".




• 
  

A xornada de benvida da UDC, ao estudantado, marcha "sobre rodas" grazas á colaboración da ASCM

• A Asociación Sociocultural ASCM participou, esta mañá, no Campus de Ferrol da Xornada de Benvida organizada pola UDC ao alumnado.

                            Equipo de voluntariado da ASCM no campus.

A Vicerreitora, Araceli Torres, no "Senta e Sente"

A equipa de voluntariado inclusivo da Asociación Sociocultural ASCM cheou, esta mañá o Campus Universitario de Esteiro, de cadeiras de rodas para sensibilizar e concienciar aos futuros profesionais da necesidade de pensar na accesibilidade universal, nos diferentes eidos da vida. Esta iniciativa forma parte do proxecto, da entidade, "Xente!! Senta e Sente", que recuperan para conmemorar a Semana da Mobilidade Europea que se celebra entre o 16 e 20 de setembro.

Voluntario probando a cadeira de rodas durante a Xornada.

Durante toda a mañá, alumnas e alumnos da UDC, experimentaron en primeira persoa o que supón desprazarse en cadeira de rodas polo campus. A propia Vicerreitora do Campus Ferrol Responsabilidade Social, Araceli Torres Miño, participou desta iniciativa. 

É esta a primeira das actividades previstas para conmemorar a Semana da Mobilidade Europea. Durante estes días, a entidade, colaborará con diferentes concellos da comarca para visibilizar a necesidade de crear espazos urbanos accesibles para todas e todos.

Repercusión en medios:

• La Voz de Galicia, 2019-09-13 "El Campus de Ferrol despliega su artillería".
• Diario de Ferrol, 2019-09-13 " La Jornada en imágenes".