ASCM organiza unha andaina virtual para promover o Camiño de Santiago

A andaina virtual, SporTodxs Galicia, forma parte do programa O teu Xacobeo da Xunta de Galicia.

A Asociación Sociocultural ASCM organiza unha andaina virtual para promover o Camiño de Santiago, desde unha óptica inclusiva. A iniciativa está enmarcada dentro do programa da Xunta de Galicia, O teu Xacobeo. As persoas interesadas en participar, poderán inscribirse até o vindeiro 18 de febreiro. A andaina terá lugar entre o 21 e 28 de febreiro, a través das redes sociais. As persoas participantes recibirán no seu email un dorsal imprimible có que deberán fotografarse pola inclusión.



A participación, deberá formalizarse a través do seguinte formulario :Inscrición SporTodxs Galicia. Non se trata de realizar moitos km, senón de visibilizar as diferentes capacidades existentes na sociedade, polo que poderán participar persoas de tódalas idades. As persoas inscritas deberán sacarse unha fotografía ou gravar un vídeo, de xeito individual ou en grupos de convivintes, có dorsal e a maior dose de cor posible; empregando coma telón de fondo a paisaxe da súa localidade. As pezas deberán ser enviadas ao 604 05 57 03 ou ao mail: info@ascmgalicia.org



O camiño de Santiago ten a súa maior riqueza na diversidade paisaxística, arquitectónica, etc., unha fantástica analoxía da riqueza que supón a diversidade humana. Algo que desde ASCM, levan reivindicando máis de 3 anos. A COVID-19 fai necesario reinventarse, pero temos a oportunidade de participar, de balde, nunha iniciativa inclusiva e sensibilizadora que permita seguir avanzando no camiño da inclusión.

Repercusión en medios:

• Galicia Diario, 2020-02-10 "ASCM organiza unha andaina virtual".
• Ferrol360, 2020-02-10 "La ASCM organiza una ruta virtual por el Camino de Santiago desde una óptica inclusiva".
• Quincemil, 2020-02-17 " SporTodxs: La caminata virtual que aúna la inclusión con el Camino de Santiago".
• El Boletín, 2020-02-17 "GOMEZ NOYA APADRIÑA A ANDAINA VIRTUAL DA ASCM".
• La Voz de Galicia, 2020-02-24 "Gómez Noya apadrina una caminata virtual de la Asociación Sociocultural ASCM".
• La Voz de Galicia, 2020-02-27, "Recta final de SporTodxs".
• Diario de Ferrol, 2020-02-24 "Gómez Noya apadrina la andaina de la ASCM para aupar el Camino de Santiago".
• Radio Voz Galicia, 2020-03-02 "Charlamos en RadioVoz Ferrol con Isidoro Valerio sobre la iniciativa SporTodxs_Galicia".

• Diario de Ferrol, 2020-02-11 "Andaina Virtual".

O alumando do colexio "La Salle" recibe ao equipo de Voluntariado de ASCM

• Alumnas e alumnos do colexio "La Salle" recibiron a visita da equipa de voluntariado inclusivo de ASCM.

Alumnado do colexio "La Salle" na sesión de ASCM.

Un dos grupos de 3º de Ed. Primaria do Colexio "La Salle" deixaron hoxe, a un lado, as materias convencionais para recibir a visita da equipa de voluntariado inclusivo da Asociación Sociocultural ASCM. A entidade, que traballa desde hai máis de 30 anos pola plena inclusión das persoas con discapacidade, achegou aos máis pequenos a realidade do colectivo coa finalidade de sensibilizar e normalizar con respecto as diferentes realidades existentes na nosa sociedade.



As alumnas e alumnos do centro ferrolán puideron observar a realidade mediante os lentes da inclusión; detectando barreiras arquitectónicas e sociais ás que deben facer fronte as persoas con discapacidade no seu día a día. Ademais, desde ASCM, consíderase fundamental traballar coa mocidade e coa infancia; rachando con estereotipos negativos e fomentando unha óptica positiva e realista sobre a realidade das persoas con diversidade funcional.

Alumnado de "La Salle" practicando boccia.

Ademais de recibir indicacións por parte da equipa de voluntariado de ASCM, alumnas e alumnos, puideron experimentar en primeira persoa o que supón para as persoas con discapacidade a práctica dun deporte como é a boccia. Resulta moi importante permitir ao alumnado experimentar dun xeito práctico a realidade do colectivo. Foi unha xornada na que a educación en valores acadou gran protagonismo no centro escolar "La Salle".

O alumnado do CIFP Rodolfo Ucha comprobou a accesibilidade do Barrio de Caranza

• A ASCM sensibilizou  aos estudantes da importancia da accesibilidade universal a través da iniciativa “Xente!! Senta e Sente”.

     Cartaz da actividade co CIFP Rodolfo Ucha.

A ASCM achegou, esta mañá, a necesidade dunha sociedade accesible ao alumnado do Centro de Formación Profesional Integrado, Rodolfo Ucha Piñeiro, coa súa iniciativa “Xente!! Senta e Sente”. Os estudantes de primeiro curso de TAFAD, experimentaron, en primeira persoa, o que supón desprazarse en cadeira de rodas polas  inmediacións do centro académico.

                  Fotografía da iniciativa celebrada no Rodolfo Ucha.

Desde a Asociación Sociocultural ASCM consíderase fundamental abogar por este tipo de sinerxias que favorezan a concienciación e sensibilización da cidadanía no seu conxunto. Dentro deste marco de actuación, o colectivo estudantil é fundamental polo futuro papel que desenvolverán na construción e planteamento dunha sociedade máis accesible, desde unha óptica transversal. A iniciativa foi acollida con entusiasmo e interese polas persoas participantes e a valoración foi positiva para ambas entidades.  Os estudantes realizaron un percorrido polas instalacións do centro con dinámicas habituais: acudir ao mostradodor de conserxería, pedir na cafetería, tirar un papel ao lixo, facer emprego dos aseos, etc; testando, así, as barreiras arquitectónicas que pasan desapercibidas por tod@s. Ademais, a equipa de voluntariado inclusivo da ASCM achegou aos asistentes á xornada as diferentes tipoloxías de cadeira existente, manexo básico e mantemento das mesmas, etc.

Alumnos do CIFP Rodolfo Ucha no mostrador da cafetería.

Esta actividade forma parte do roteiro que a ASCM realiza polos centros académicos da comarca. O vindeiro día 17 de outubro, estudantes de Deseño Industrial, achegaránse á Sede da ASCM para coñecer a realidade das cadeiras de rodas: tipoloxías existentes, mantemento básico, manexo. Todas aquelas institucións e colectivos interesados en achegar a iniciativa “Xente!!, Senta e Sente” ao seu ámbito de actuación, poden poñerse en contacto coa entidade a través do teléfono 981 25 14 30 ou do comunicacionascm@gmail.com.

Repercusión en medios:

• Diario de Ferrol, 2019-10-10 "Alumnos del CIFP Rodolfo Ucha analizarán la accesibilidad del Barrio de Caranza".

A ASCM comeza o seu roteiro pola Semana da Mobilidade no Concello de Neda

• A ASCM achegou a Neda a súa iniciativa "Xente!! Senta e Sente" para concienciar sobre a necesidade da accesibilidade universal.

         Imaxes da iniciativa Xente!! Senta e Sente en Neda.

Neda, foi hoxe, a primeira das paradas do roteiro, que organiza a Asociación Sociocultural ASCM, para conmemorar a Semana da Mobilidade Europea que se celebra entre o 16 e o 22 de setembro. A ASCM levará, tamén, o seu proxecto "Xente!! Senta e Sente" aos concellos de Narón (17 de setembro ás 11.30 h.) e de Fene (19 de setembro ás 11.00 h.). O obxectivo é concienciar e sensibilizar aos representantes políticos da necesidade de apostar pola accesibilidade universal.

Esta mañá foi a quenda dos políticos de Neda, que experimentaron en primeira persoa o que é desprazarse polos arredores do concello en cadeira de rodas. O alcade, Ángel Alvariño, acompañado das/os concelleiras/os Soraya María Fernández Leal, Eduardo Rodríguez Rey, Ángeles Puentes Maceiras y Ana Rosa Pena Barcia,participou da iniciativa desprazándose polas inmediacións da casa consistorial e accedendo a espazos de uso diario como os servizos públicos do concello.

O alcalde facendo emprego dos servizos públicos en cadeira de rodas.

Tanto o concello como a entidade valoraron como moi positiva esta experiencia, que permitiu sensibilizar e concienciar aos nosos políticos da necesidade de pensar e actuar en clave de accesibilidade para todas e todos.

Foto de grupo da Iniciativa Xente!! Senta e Sente.

• Repercusión en medios:

• Diario de Ferrol 2019/09/17 "Neda pone a prueba su planificación urbanística sobre una silla de ruedas".
• Cadena SER 2019-09-17 "Raúl Salgado fala con Paula Gárate da Semana da Mobilidade".
• Cadena COPE 2019-09-17 ( a partir do min 24.) "Ada Romero fala con Paula Gárate da Semana da Mobilidade".
• Radio Voz Ferrol 2019-09-17 "Isidoro Valerio sobre la iniciativa de ASCM "Xente!! Senta e Sente"
• Radio Fene 2019-09-17 "Unha iniciativa da ASCM para reclamar a accesibilidade universal".




• 
  

SENSIBILIZACIÓN CEIP O RAMO

Ferrol360 29 noviembre
La Voz de Galicia 1 diciembre
CEIP O Ramo 1 diciembre