Informática Inclusiva da man do alumnado da UDC

• Hoxe tivo lugar a primeira das sesións de informática básica, impartida polo alumnado da UDC ás persoas usuarias da ASCM.

             Usuaria da ASCM durante a sesión de informática.

As alumnas e alumnos da UDC realizaron, esta mañá, a primeira sesión dos obradoiros de informática básica con persoas da Asociación Sociocultural ASCM. Esta iniciativa está enmarcada dentro do programa  de colaboración de Aprendizaxe e Servizo da universidade, que permite fomentar sinerxias e colaboracións entre ambos organismos. A próxima sesión está prevista para o vindeiro 11 de decembro.





Nesta  primeira  sesión entre usuarios da asociación e alumnos, os máis novos asumiron o rol de docentes; asesorando e asistindo ás persoas participantes nas súas dúbidas e inquedanzas. Esta iniciativa permite fomentar as actividades de carácter interxeneracional e adquirir aos estudantes competencias transversais, fundamentais para o seu futuro profesional. Ademais, o eido da informática é un dos máis demandados, entre o colectivo, pola fenda dixital existente e as posibilidades que ofrecen as ferramentas web no desenvolvemento da vida diaria: cita online no médico, banca electrónica, redes sociais, etc.

          Estudante a usuarios durante a sesión de informática.

Esta é unha das actividades que a ASCM realiza no eido da mocidade para concienciar aos máis novos da necesidade de pensar en chave de accesibilidade universal. Ademais, a ASCM e a UDC teñen asinado un convenio de colaboarción, a través do cal levan desenvolvidas numerosas actividades ao longo deste 2019.

O alumnado do CIFP Rodolfo Ucha comprobou a accesibilidade do Barrio de Caranza

• A ASCM sensibilizou  aos estudantes da importancia da accesibilidade universal a través da iniciativa “Xente!! Senta e Sente”.

     Cartaz da actividade co CIFP Rodolfo Ucha.

A ASCM achegou, esta mañá, a necesidade dunha sociedade accesible ao alumnado do Centro de Formación Profesional Integrado, Rodolfo Ucha Piñeiro, coa súa iniciativa “Xente!! Senta e Sente”. Os estudantes de primeiro curso de TAFAD, experimentaron, en primeira persoa, o que supón desprazarse en cadeira de rodas polas  inmediacións do centro académico.

                  Fotografía da iniciativa celebrada no Rodolfo Ucha.

Desde a Asociación Sociocultural ASCM consíderase fundamental abogar por este tipo de sinerxias que favorezan a concienciación e sensibilización da cidadanía no seu conxunto. Dentro deste marco de actuación, o colectivo estudantil é fundamental polo futuro papel que desenvolverán na construción e planteamento dunha sociedade máis accesible, desde unha óptica transversal. A iniciativa foi acollida con entusiasmo e interese polas persoas participantes e a valoración foi positiva para ambas entidades.  Os estudantes realizaron un percorrido polas instalacións do centro con dinámicas habituais: acudir ao mostradodor de conserxería, pedir na cafetería, tirar un papel ao lixo, facer emprego dos aseos, etc; testando, así, as barreiras arquitectónicas que pasan desapercibidas por tod@s. Ademais, a equipa de voluntariado inclusivo da ASCM achegou aos asistentes á xornada as diferentes tipoloxías de cadeira existente, manexo básico e mantemento das mesmas, etc.

Alumnos do CIFP Rodolfo Ucha no mostrador da cafetería.

Esta actividade forma parte do roteiro que a ASCM realiza polos centros académicos da comarca. O vindeiro día 17 de outubro, estudantes de Deseño Industrial, achegaránse á Sede da ASCM para coñecer a realidade das cadeiras de rodas: tipoloxías existentes, mantemento básico, manexo. Todas aquelas institucións e colectivos interesados en achegar a iniciativa “Xente!!, Senta e Sente” ao seu ámbito de actuación, poden poñerse en contacto coa entidade a través do teléfono 981 25 14 30 ou do comunicacionascm@gmail.com.

Repercusión en medios:

• Diario de Ferrol, 2019-10-10 "Alumnos del CIFP Rodolfo Ucha analizarán la accesibilidad del Barrio de Caranza".