A entidade ferrolá continúa a súa xira SporTodxs Sobre Rodas que
visibilizou a diversidade no camiño en Cee e Padrón
Autoridades no acto de Cee.
A Asociación Sociocultural ASCM, que traballa desde hai máis de 30 anos pola plena inclusión das persoas con discapacidade, continuou, esrta fin de semana, a súa xira de visibilización da diversidade no Camiño de Santiago. SporTodxs Galicia é unha iniciativa de ASCM, enmarcada no programa de O teu Xacobeo da Xunta de Galicia. Cee e Padrón foron as paradas nas que recalou a furgoneta SporTodxs Sobre Rodas. A entidade estivo, pola mañá, de 11.00 a 13.00 h, na Praza 8 de Marzo de Cee e de 17.00 h a 19.00 h, na rúa Tetuán, ao carón do parque infantil, en Padrón.
SporTodxs Sobre Rodas está englobado dentro da proposta orixinal da Asociación Sociocultural ASCM, SporTodxs_Galicia. A entidade comezou o tour nas cidades de Pontedeume, Sarria e Vilaba e visitará, asimesmo, Melide, Ourense e Redondela. A través dun plató itinerante invitarán á cidadanía a participar de distintas actividades que sensibilicen sobre a realidade das persoas con diversidade funcional cós distintos camiños coma fío condutor.
Asemade, ASCM fixo entrega, respectivamente, dos premios aos escolares participantes nos concursos de debuxo e vídeo XacobIN, organizados pola entidade no marco de SporTodxs Galicia. A iniciativa contou có apoio das corporacións municipais de Cee e Padrón que participaron, tamén, do acto de entrega.
No caso de Cee, a entrega contou coa presenza da alcaldesa, Margarita Lamela e de Ildefonso de la Campa, en representación da Xunta de Galicia. Os premios foron, neste caso, cortesía da Asociación de Empresarios de Cee. As 17.30 h. foi a quenda da entrega de galardóns en Padrón, con agasallos aportados polo propio concello. Estivo presente a concelleira de cultura, Lorena Couso.
Entrega do premio ao CEIP Santa María do Castro, Padrón.
Repercusión en medios:
- Radio Voz Galicia, La Mañana con Eva, 2020-03-25 "Charlamos con Eva Millán sobre a iniciativa SporTodxs Galicia".
- La Voz de Galicia, 2020-03-28 "La asociación ASCM visibilizó desde Cee la diversidad en el Camiño de Santiago".
- Correo Gallego, 2020-03-28 "Visibilizando a diversidade no Camiño de Santiago ao seu paso por Cee".
- Que pasa na costa, 2020-03-29 "ASCM espalla a inclusión polo Camiño dende Cee"
- Diario de Ferrol, 2020-03-29 "La ASCM recala con su campaña SporTodxs en Padrón",
