A ASCM recibiu ao alumnado da UDC que colaborará coa entidade, dentro do programa APS

• Os alumnos da UDC coñeceron,  esta mañá, ás usuarias e usuarios da ASCM, dentro do marco do convenio de Aprendizaxe e Servizo.

                                   Foto: Imaxe relacionada coa informática.

A ASCM e a UDC veñen de asinar un convenio de colaboración, dentro da modalidade de Aprendizaxe e Servizo, que permite fomentar sinerxias e colaboracións entre ambos organismos. Dentro do marco de dito programa, o alumnado do Grao de Relacións Laborais e Recursos Humanos impartirá un obradoiro de informática básica, entre as usuarias e usuarios da ASCM.

Alumnos da UDC coñecendo aos usuarios da ASCM.

Hoxo tivo lugar a primeira toma de contacto entre os usuarios da asociación e os alumnos, que asumirán o rol de docentes durante un día.  Esta iniciativa permite fomentar as actividades de carácter interxeneracional e adquirir aos estudantes competencias transversais, fundamentais para o seu futuro profesional. Ademais, o eido da informática é un dos máis demandados, entre o colectivo, pola fenda dixital existente e as posibilidades que ofrecen as ferramentas web no desenvolvemento da vida diaria: cita online no médico, banca electrónica, redes sociais, etc.

Explicación do programa APS, por parte dos alumnos da UDC.

A xornada serviu para sentar as bases do obradoiro de informática básica,  previsto para o mes de decembro. Permitiu a usuarios e estudantes coñecerse, plantear dúbidas, suxerencias a tratar no aula, etc. A celebración deste encontro coincidiu, asimesmo, coa celebración do Samaín, por parte da ASCM, coa proxección de cortos audiovisuais relacionados coa temática do terror.  O tradicional slogan de "Truco ou trato?", pode servir para resumir á perfección un evento no que, entre cabazas e meigas, a ASCM e a UDC ratifican a utilidade do "trato" e compromiso de colaboración asinado o pasado mes de xullo.

Repercusión en medios:

• 
  

O alumnado da Escola de Deseño Industrial visitou onte as instalacións da ASCM

• Máis dunha trintena de alumnos e profesores achegáronse á Sede da Asociación Sociocultural ASCM para coñecer todos os detalles do manexo dunha cadeira de rodas.

Cartaz da colaboración de ASCM e UDC.

A ASCM converteuse, na tarde de hoxe, nun aula improvisada para alumnado e profesorado da Escola de Deseño Industrial do Campus de Ferrol. A presidenta, Paula Gárate Formoso, e a equipa de voluntariado inclusivo da entidade compartiron cós máis de 30 asistentes todos os detalles sobre cuestións relativas a tipoloxías, manexo e mantemento das cadeiras de rodas. Ademais, puideron constatar, en primeira persoa, as
barreiras arquitectónicas ás que deben enfrontarse as persoas con mobilidade reducida no seu día a día.

Alumnos da EUDI testando o uso das cadeiras de rodas.

A acollida da iniciativa foi moi positiva para ambas entidades. O alumnado amosouse moi participativo e o encontro viuse enriquecido polas experiencias compartidas por usuarios e voluntarios da ASCM. Esta iniciativa está enmarcada dentro do convenio de colaboración, asinado recentemente por ambos organismos, có obxectivo de trasladar ao alumnado as distintas capacidades existentes na nosa sociedade. Desde a Asociación Sociocultural ASCM considerase fundamental abogar por este tipo de sinerxias que favorezan  a concienciación e sensibilización da cidadanía no seu conxunto. Dentro deste marco de actuación, o colectivo estudantil é prioritario e, especialmente, a área de deseño industrial polo futuro papel que desenvolverán na construción e planteamento dunha sociedade máis accesible.

Durante a explicación sobre o uso e manexo de cadeiras de rodas.

Este tipo de propostas son de carácter aberto a outros organismos e agrupacións. Todas aquelas institucións e colectivos interesados en achegar a iniciativa “Xente!!, Senta e Sente” ao seu ámbito de actuación, poden poñerse en contacto coa entidade a través do teléfono 981 35 14 30 ou do mail comunicacionascm@gmail.com.

Repercusión en medios:

• Diario de Ferrol, 2019-10-17 "Alumnos de la Escuela de Deseño Industrial visitan hoy las instalaciones de la ASCM"

• La Voz de Galicia, 2019-10-18 "Los alumnos de diseño industrial se enfrentan a las barreras".
• Diario de Ferrol, 2019-10-19 "Alumnos de la UDC prueban las dificultades de estar en silla de ruedas".

A ASCM promove, entre os alumnos da EUDI, unha xornada "sobre rodas"

• A ASCM concienciará aos futuros deseñadores industrais da necesidade de pensar en chave de accesibilidade universal.

 

Cartaz oficial da iniciativa Xente!! Senta e Sente na EUDI.

A ASCM achegará, o mércores, a necesidade dunha sociedade accesible ao alumnado da Escola de Deseño Industrial do Campus de Ferrol, coa súa iniciativa “Xente!! Senta e Sente”. A partir das 16.00 h., os futuros diseñadores industrias, experimentarán en primeira persoa o que supón desprazarse en cadeira de rodas polas instalacións do campus.

A ASCM e a UDC teñen asinado un convenio de colaboración có obxectivo de trasladar ao alumnado as distintas capacidades existentes na nosa sociedade. Tras unha primeira toma de contacto, o pasado setembro, na que a entidade achegou ás aulas o seus principais obxectivos; o mércores comezarán as actividades conxuntas, entre ambos organismos, coa proposta orixinal da ASCM, “Xente!! Senta e Sente”.


Desde a Asociación Sociocultural ASCM consíderase fundamental abogar por este tipo de sinerxias que favorezan a concienciación e sensibilización da cidadanía no seu conxunto. Dentro deste marco de actuación, o colectivo estudantil é prioritario e, especialmente, a área de deseño industrial polo futuro papel que desenvolverán na construción e planteamento dunha sociedade máis accesible.


A ASCM tamén achegará a realidade das persoas con dispacidade e as barreiras arquitectónicas que deben salvar no seu día a día ás alumnas e alumnos do Instituto Rodolfo Ucha Piñeiro, do barrio de caranza, o vindeiro xoves, a partir das 10. 30 h. Todas aquelas institucións e colectivos interesados en achegar a iniciativa “Xente!!, Senta e Sente” ao seu ámbito de actuación, poden poñerse en contacto coa entidade a través do teléfono 981 25 14 30 ou do comunicacionascm@gmail.com.