O concello acomete melloras nos aseos públicos dos mercados municipais de Recimil e a Magdalena

  A  ASCM solicitou o pasado novembro o reforzo da rede de aseos públicos da comarca

A Asociación Sociocultural ASCM celebra a decisión do concello de Ferrol de acometer melloras nos aseos dos mercados municipais de Recimil e A Magdalena. A entidade presentou unha solicitude de reforzo da rede de aseos públicos, motivada especialmente pola situación de emerxencia sanitaria que estamos a vivir.

A entidade, como altofalante das necesidades do colectivo de persoas con mobilidade reducida, detectou a necesidade deste reforzo debido, en gran medida, polo emprego habitual dos aseos de espazos de titularidade privada coma restauración, centros comerciais, etc. A pandemia e os peches de determinados sectores diminuiron a oferta da rede de aseos na vía pública. ASCM reivindicou, entón, a posta a punto e disposición de aseos públicos accesibles.

O concello ferrolán ven de anunciar reformas nos aseos dos mercados municipais de A Magdalena e Recimil, respostando a estas necesidades. Desde a ASCM agardan que estas obras de mellora dean cobertura ás demandas da cidadanía, respostando, asimesmo, ás necesidades de accesibilidade do colectivo de persoas con discapacidade.

Repercusión en medios:

• El Boletín, 2020-02-25 "O concello acomete melloras nos aseos públicos dos mercados municipais de Recimil e a Magdalena".
• Diario de Ferrol, 2020-02-26 "La asociación ASCM la reforma de los aseos de los mercados".

ASCM reivindica a necesidade de habilitar os aseos dos espazos públicos da comarca

 

ASCM súmase á demanda da cidadanía da necesidade de  facilitar o emprego dos aseos dos espazos públicos; especialmente durante a pandemia.

                                                         Presidenta de ASCM e Alcalde de Neda, antes da pandemia.

A Asociación Sociocultural ASCM detectou a necesidade de facilitar á cidadanía o emprego dos aseos dos espazos públicos da comarca de Ferrolterra. A COVID-19 reduciu a posibilidade de facer uso dos aseos de comercios, hostelería, etc.; evidenciando a importancia dunha boa rede de aseos de carácter público. Nesta liña, ASCM presentou, esta mesma mañá, un escrito formal ao concello de Ferrol; solicitando medidas para paliar esta problemática.

Persoas de distintos eidos: persoal de reparto, correos, persoas de idade avanzada, etc. manifestaron a dificultade á que se enfrontan para poder facer uso dun aseo fóra dos seus domicilios. ASCM quere servir de altofalante das demandas sociais da cidadanía da comarca de Ferrolterra; visibilizando a necesidade de por a disposición de todas e todos unha rede de aseos públicos de calidade. 

Desde ASCM lembran, ademais, a importancia de garantir a accesibilidade universal neste tipo de infraestruturas; favorecendo un uso colectivo e autónomo dos mesmos. Asimesmo, ASCM expón a importancia dun sistema de limpeza e mantemento eficaz nos aseos públicos, para minimizar o risco de contaxio das persoas usuarias.

Repercusión en medios:

• Cadena SER, 2020-11-18 "Entrevista de Raúl Salgado a Paula Gárate en HoyxHoy Ferrol"
• La Voz de Galicia, 2020-11-20 "ASCM reclama que se abran aseos públicos en Ferrol y comarca".
• Cadena COPE, 2020-11-20 "La ASCM reivindica la necesidad de habilitar aseos en espacios públicos de la comarca".
• Radio Voz, la mañana con Eva, 2020-11-24, "Paula Gárate charla con Eva Millán sobre la importancia de los baños públicos".
• Diario de Ferrol, 2020-11-20 "La Asociación ASCM pide que se puedan emplear los aseos de los espacios públicos de la comarca".