Derradeiro día para recoller o pack de libros ASCM, sorteado pola entidade en Facebook

• Pili Pego, Cristina Porcel e Begoña M. García resultaron gañadoras do sorteo de 3 packs de libros da ASCM en Facebook.

Cristina Porcel, posa co seu exemplar de libros.

Hoxe é o derradeiro día para que as gañadoras do sorteo de ASCM: Pili Pego, Cristina Porcel e Begoña M. García, pasen a recoller na Sede da ASCM (San Roque e Ánimas 18-19, bloque 2) os seus packs de libros de "Cenx100" e "O que o ollo sente"  ao resultar gañadoras do sorteo de facebook, organizado pola ASCM para celebrar coa súa comunidade online o comezo do 2020.

                                   Gañadora dun pack de libros ASCM.

 O sorteo foi realizado entre todas aquelas persoas  que ás 00.00 h do día 1 de xaneiro tiveran cumpridos os requisitos recollidos nas bases (ser seguidor da páxina, darlle a "me gusta á publicación" e nomear a alguén a través dun comentario). A través da aplicación sortea2.com realizouse, de xeito telemático, a elección aleatoria das persoas gañadoras.

                           Gañadora dun pack de libros da ASCM.

O agasallo inclúe un exemplar do libro "Cenx100", editado coa colaboración da Consellería de Política Social e Benestar e que conta con fotografías do artista Manuel Patinha. Nesta obra, a entidade, recolle as vicencias de máis dun centear de centenarios galegos. Asimesmo, o sorteo, inclúe un libro de "O que o ollo sente", unha aposta de Manuel Patinha, por inmortalizar o día a día desde o ollar do colectivo de persoas con discapacidade.

                               Gañadora do pack de libros da ASCM.

Desde ASCM queremos comezar o ano fomentando prácticas tan saudables coma a da lectura e, non hai mellor xeito de facelo que con dúas obras realizadas con todo o mimo do mundo por parte da nosa entidade.

Este sorteo deu comezo o 18 de decembro e os resultados serán comunicados a través das redes sociais, o noso servizo de Whatsapp "ASCMÓVIL" e de xeito directo ás 3 persoas gañadoras.

Noraboa as gañadoras!