A ASCM celebra a Semana da Mobilidade Europea e distintos Concellos da comarca

• A ASCM realizará a súa iniciativa “Xente!! Senta e Sente” coas corporación municipais dos concellos da comarca.

Cartaz oficial da semana da mobilidade.

A Asociación Sociocultural ASCM, dentro do marco da “Semana da Mobilidade Europea”, traslada a súa iniciativa, de sensibilización, “ Xente!! Senta e Sente”, ás corporacións municipais dos concellos de Neda, Narón e Fene. Esta celebración, que ten lugar cada ano, entre o 16 e o 22 de setembro, ten por obxectivo promocionar a mobilidade sostible e fomentar o desenvolvemento de boas prácticas e medidas permanentes. A ASCM, desde a súa área de accesibilidade, traballa a prol da eliminación de barreiras que favorezan a accesibilidade universal na nosa Comunidade Autónoma. 

Con esta proposta, pretenden concienciar ás/os nosas/os representantes políticos da importancia de abogar por unha planificación que favoreza a inclusión do colectivo na vida pública. Así o tour “Xente!! Senta e Sente”, promovido pola entidade, comezará o luns ás 11.30 h., no Concello de Neda; e continuará en Narón, o martes, ás 11.30 h.; finalizando en Fene, o xoves, ás 11.00 h. A totalidade dos percorridos terán, como punto de partida, a entrada da casa consistorial do concello correspondente. Ás/os representantes públicos, das administracións participantes, poderán unirse todas aquelas persoas que desexen experimentar, en primeira persoa, o que é subirse a unha cadeira de rodas. 

Para máis información sobre esta proposta, as persoas interesadas, poderán resolver as súas dúbidas no teléfono 981 35 14 30 ou no correo electrónico comunicacionascm@gmail.com. Se prefieren solicitar información de xeito presencial, poderán facelo nas oficinas de San Roque e Ánimas Bajos 18-19, Bloque 2, en horario de 9.30 a 13.30 e de 16.00 a 20.00 h.


Repercusión en medios:

• Diario de Ferrol, 2019-09-16 "Vecinos de Neda, Narón y Fene testan los problemas de transitar en silla de ruedas".
• Cadena SER 2019-09-17 "Raúl Salgado fala con Paula Gárate da Semana da Mobilidade".
• Cadena COPE 2019-09-17 ( a partir do min 24.) "Ada Romero fala con Paula Gárate da Semana da Mobilidade".
• Radio Voz Ferrol 2019-09-17 "Isidoro Valerio sobre la iniciativa de ASCM "Xente!! Senta e Sente"
• Radio Fene 2019-09-17 "Unha iniciativa da ASCM para reclamar a accesibilidade universal".




•