A Asociación
Sociocultural de Minusválidos “ASCM” organiza para o próximo 30 de novembro a
cea anual nun acto conxunto de proclamación e entrega do Premio Honorífico
“Carro de Prata” e do recoñecemento público o “Voluntariado 2013”.
Aberto o prazo
ata o 22 deste mes para apuntarse a cea anual da entidade que terá lugar no
Hotel Husa Odeón o día 30 de novembro ás 21:30 h. a un
custe de 20 euros por persoa.
O premio “Carro
de Prata”, foi instaurado pola ASCM no ano 1997 co obxectivo de recoñecer e
galardoar públicamente, dun xeito honorífico, a persoas ou entidades que se
distinguiron polo seu traballo e solidariedade que redundara en beneficio do
colectivo de persoas con discapacidade da nosa bisbarra ou que destacaran pola
súa labor de apoio á integración social, cultural ou laboral deste colectivo. O
pasado mes de outubro o xurado decidiu entre as candidaturas o premiado nesta
VIII edición.
A distinción o
voluntario ou voluntaria 2013 recoñece a dedicación, implicación e
solidariedade do persoal voluntario que anónimamente aporta o seu grao de área
en prol da plena integración das persoas con discapacidade. Esta distinción formalizase
en dúas fases: unha primeira fase virtual na que os voluntarios reciben os
apoios de familiares, amigos ou coñecidos através do álbum de fotografías
“premio voluntario 2013” do Facebook da
asociación; os máis votados serán os que pasen a elección final que realizarase
nunha reunión extraordinaria do grupo de voluntariado ASCM, pois os propios
voluntarios e voluntarias son os que realmente coñecen a labor realizada polos
compañeiros/as finalistas.
A entrega de
ambos recoñecementos realizarase o próximo 30 de novembro, para anotarse na cea
ou para máis información poderán dirixirse a calquera dos nosos locais, sitos
en:
Ø Rúa
Fernando VI, Blq 2, baixos 18-19. 15403 FERROL. Tf.- 981351430
Ø Estrada
de Castela 256, baixo. 15570 NARÓN. Tf.- 981385366
A
ASCM recorda que dispón de lotería de nadal sen recargo do número 47925
NOTA DE PRENSA:
ASCM 07 de novembro de 2013
No hay comentarios:
Publicar un comentario