A ASCM acada a concesión de catro novos proxectos para impulsar a inclusión en 2025

Dende a ASCM compartimos a excelente nova de que fóronnos concedidos catro proxectos que reforzan o noso compromiso coa inclusión, a accesibilidade universal e a mellora da calidade de vida das persoas con discapacidade e/ou dependencia.

Estes proxectos están financiados a través da convocatoria do 0,7% do IRPF da Xunta de Galicia, unha liña de apoio fundamental para o desenvolvemento de programas sociais que contribúen á igualdade de oportunidades e á cohesión social en Galicia.

 

A continuación, presentamos un pequeno resumo de cada un deles:

EPA 2025: Educación para Adultos

Programa formativo dirixido a persoas con discapacidade, centrado no desenvolvemento de habilidades da vida diaria, comunicación, competencias sociais e novas tecnoloxías. O seu obxectivo é mellorar a autonomía, o empoderamento persoal e favorecer a inclusión social e futura inserción.

 

PARTIRES III: Participación Inclusiva e Respiro Familiar

Proxecto que promove a participación activa e inclusiva mediante actividades interxeracionais e obradoiros adaptados. Inclúe accións de sensibilización comunitaria para fomentar a accesibilidade universal e avanzar cara a unha sociedade sen barreiras.

 

Rodando Xuntos

Iniciativa que pon en marcha un espazo para o mantemento, reparación e préstamo de cadeiras de rodas, garantindo a mobilidade e autonomía das persoas usuarias a través de persoal técnico especializado.

 

TRANSCOL

Servizo porta a porta e baixo demanda, que facilita a asistencia a actividades, xestións ou consultas sanitarias. Adaptado ás necesidades reais das persoas usuarias.

 

Con estes catro proxectos, a ASCM reforza o seu compromiso coa inclusión, a accesibilidade e a mellora da calidade de vida das persoas con discapacidade e/ou dependencia, avanzando cara a unha sociedade máis xusta e participativa.