Narón, 15 de Xuño de 2010.- O Alcalde de Narón, Jose Manuel Blanco, e o presidente da Asociación Sociocultural de Minusválidos (ASCM), Angel Gárate, asinaron hoxe un convenio de colaboración para desenvolver actividades a prol deste colectivo e defender os intereses das persoas discapacitadas veciñas de Narón. En virtude deste acordo, o Concello achegará 80.000 euros durante esta anualidade, unha cantidade que agárdase manter nos vindeiros anos a pesares da crisis económica, tal e como explicou o Alcalde. “Nas administracións locais dependemos das aportacións que nos realizan o Estado e a Xunta pero aínda que teñamos menos cartos e iso nos obrigue a reducir os convenios, intentaremos non recortar as axudas ás entidades sociais”, declarou Jose Manuel Blanco.
Pola súa banda, o presidente da ASCM, Angel Gárate destacou a sintonía e colaboración existente co Concello de Narón. “Narón dende sempre se volcou co movemento asociativo e de feito, este é o concello da comarca que máis colabora coa nosa asociación”, declarou. En virtude deste convenio, a entidade ten contratado a un arquitecto que está a elaborar un estudio sobre barreiras arquitectónicas e as alternativas que existen para eliminalas. O acordo tamén permite á asociación seguir prestando o servizo de transporte adaptado do 065, e levar a cabo programas de formación e emprego para os asociados.
ConcelloNarón
No hay comentarios:
Publicar un comentario